Item: Низины
Rating: 10
Author: Ksienija

26 июля 2025

Галоўная гераіня аповесці — бедная бязродная сялянка Хрысціна, якая мае ў жыцці толькі дзьве радасці: Піліпку і Антосіка. Сыноў.

Старэйшага, Піліпку, забіраюць у войска, і маці гатовая душу прадаць, толькі б вярнуць сына, не даць яму загінуць на чужыне. Але каму прадаваць? Дапамогі прасіць няма ў каго.

Сама назва падказвае і настрой, і канцоўку твора, але нават так ён трымае ў напружанні да самага апошняга радка.

Аповесць ёмістая і жорсткая, але ў той самы час лірычная і плаўная. Шмат разоў я лавіла сябе на тым, што мілуюся прыгажосцю пераплеценых лесаў герояў: як ім гукаецца мінулае, або ўміг адразаецца будучыня. Чытаць лёгка і эмцыянальна, бы катацца на каруселі.

Асобна адзначу Піліпку. Гэты герой асабіста не з’яўляецца ў аповесці ані разу. Але праз думкі і пакуты маці вобраз хлопца вымалеўваецца так жыва, што пад канец адчуванне, нібыта толькі дзеля яго аднаго твор і чытаеш. І “вочкі ў яго сіненькія, такія, як кветкі ільну…”

Падзеі аповесці адбываюцца недзе ў канцы 19 ст, але я б не казала, што яна можа занікавіць толькі аматараў гістарычнасці. Як і большасць добрай літаратуры яна імкнецца данесці, што трэба бачыць ў людзях людзей, таму застанецца актуальнай яшчэ доўгі час. Раю да чытання ўсім :)

4 понравилось

Отзывы о книге Низины

Низины

Комментарии 0